Çək tətiyini, qorxma, bu gün rahat ol
Rahat ol, çək tətiyini vur ki, dinsin açdığın yaran sinəmdə
Çəkərsən əlini, indi yox, hələ ki gözlə, çünki bitmir ağrılar, çəkərsən ağrılar dinəndə

Öləndə gəlmə üstümə, səni mən görmək istəməm, gözündə yaşla, bir də güllər əlində
Ölüb də yaramı sarmaq istədim guya, alınmadı
Yaralar çox dərindir, güllə dərində

Sənin də ürəyin ağrayır, üzündə təbəssüm də qalmayıb, heç yorulmusan, bil ki, mənim də
Aldığın hər nəfəsdə mən yanındayam, düşün ki, sən də ölmüsən mənimlə birgə kəfəndə

Yerində olsam əgər, bəlkə silərdim, bəlkə də yaşlanardı xatirələr qalsa rəfimdə
Alardım hər kəsi mən qarşıma, bilsəm ki, dəyər verdiyim insan dayanıb sol tərəfimdə

Mən indi seyrə çıxmışam, səmada uzaq bir yerdən izləyir gözlərim səni
Hər baxanda sənə yanılmışam, sən demə, göstərirdi səhv baxanda güzgülər səni

Nədənsə unuda bilmir heç və sanki özünə həbs edib ürəkdə hisslərim səni
Sanma ki, car çəkirəm mən, inan ki, heç kimə yox, bir tək özünə pislədim səni

Boş limanda gözlədim səni, bir ümid işığına möhtac yarımçıq adamlar kimi
Daha bizi düşünmə, boş ver, hər şeyin bir sonu var, biz də yarıda qalanlar kimi

Bu həyat çox şey alıb məndən, mənim arzularımı, xəyallarımı, sən də sevgimi
Deyəsən, itirmisən sən, nə qədər axtardım, tapmadım, amma səndə sevgimi.

Bu Çək adlı mahnı Ali Ashikar tərəfindən ifa edilmiş və original olaraq 2023-ci il tarixdə BIGG.AZ saytından avtomatik endirilmişdir. Daha maraqlı mahnı dünyası üçün sırf Azərbaycan mahnıları olan BIGG.AZ saytı ilə davam etməyiniz tövsiyə olunur. Bundan əlavə Ali Ashikar digər mahnılarının bir çoxu aşağıda mövcuddur. Sərbəst Dinləyib mp3 formatda pulsuz endirə bilərsiniz.