Tökülən saçlarımdan yoluna xalça
Ömrün hamısını ürək bir parça
Gecəmi-gündüzümü verirəm ancaq
Sənin ümidin itib bu inanca.

Gəl bu kədəri üzərimə sancaq
Gözümdən yuxarı sevgidən alçaq
Əlimdə sənsizlik var bir də
Mərmisi yaşadan paslı tapanca

Gəlir üzərimə mənim tozlu qasırğa
Bu əzabı dərs mənə qulağıma sırğa
Hələ bu qədər kədər,dərd arasında
Sənin geyimlərin ilə dolu bu asılqan
Ömrümə asılıb inan
Hər gecə qəlbimi etdi viran
Keçmədi ətri bu evdə bir an
Gəlmədi qalmadı zərrə inam.

Sən indi başqa şəhərdə
Böyük binaların içində başla qəhərdən
Bir dəniz var sənin xəyallarındakı
Qalmışam tək buralarda,çəkirəm eşqi zəhərdən.

Və əsir saf külək hərdən
Bu şəhər səni xatırladır və boğur sərt gecələrdə
Silmişəm demişdim sənə
Əslində bir-iki şəkil var yaşanan xatirələrdən.

Qalmamışdı heç bir izin
Bu qədim şəhər yaddaşından artıq atıb bizi
Bir vaxt dillərə dastan olan bu sevgi yox oldu
Getdik bu diyardan yetim qoyub sevgimizi

Ki,həyat mənə demişdi gəl
Pərilər,mənə məxsus xatirələri sənə dəyişdilər
Və gəlib görəndə kövrəlmişdim
Paslı qapını təmir edib rəngləmişdilər.

Bu Asılqan adlı mahnı Məsumə Məmmədova tərəfindən ifa edilmiş və original olaraq 2022-ci il tarixdə BIGG.AZ saytından avtomatik endirilmişdir. Daha maraqlı mahnı dünyası üçün sırf Azərbaycan mahnıları olan BIGG.AZ saytı ilə davam etməyiniz tövsiyə olunur. Bundan əlavə Məsumə Məmmədova digər mahnılarının bir çoxu aşağıda mövcuddur. Sərbəst Dinləyib mp3 formatda pulsuz endirə bilərsiniz.